Türkçülüyün Məsələləri

Türk milliyyətçiliyinin tək doğru adlandırması olan Türkçülük, Türk Milliyyət şüurunu və ruhunu yaşatmaq deməkdir.Eyni zamanda, Z. Göyalpın da ifadəsi ilə Türk millətinin yüksəldilməsi hədəfidir. Türk millətinin yüksəlməsi isə Türk Milliyyət şüurunun yaşadılması ilə mümkün olacaqdır. Bu yüksəlişi hər bir kəs öz yaşamında və işində icra edə bilər. Milliyyət bilincini öz şeirlərində ifadə edən şair, Türk tarixinin şanlı yarpaqlarını öz əsərində təsvir edən yazar, fırçası ilə Türk mədəniyyətini, Türk tarixini əks etdirən rəssam, bəstələrində Türk Milliyyət ruhunun coşqunluğunu ifadə edən bəstəkar, öyrəncilərinə ixtisas dərsindən başqa Milliyyət əsaslı milli hisslər aşılayan bir öyrətmən, uşaqlarına Türkcə adlar verib, onlara Türk Milliyyət hissini aşılayan ata-ana və əsgərlərini milliyyət ruhu və yüksək intizamla yetişdirən bir zabit kimi... Bütün bunlarla birlikdə Milliyyət şüuru və hissi olmadan aşılanacaq olan milli tərbiyə, yurdsevərlik, yaradılan ədəbiyyat, bəstələnən musiqi, inşa edilən tarix yalnızca torpağa və maddi varlıqlara dayanacaqdır.Odər Qutluər